Amakuru Imikino

BREAKING NEWS; MANCHESTER CITY YAHANWE KUDAKINA UEFA CHAMPIONS LEAGUE IMYAKA IBIRI YOSE.

 

IYI KIPE Y’ABANYA QUATAR YO MU BWONGEREZA YACIWE AMAYERO AGERA KURI MILIYONI 30 NDETSE IKURWA MURI UEFA CHAMPIONS LEAGUE IMYAKA 2.

Ku munsi w’ejo tariki 14 Gashyantare 2020, mu masaha ashyira saa moya z’ijoro nibwo humvikanye inkuru itari nziza ko ikipe y’igihangange muri Shampiyona y’ubwongereza Manchester City ko yahanwe n’Ishyirahamwe mpuzamashyirahamwe ry’umupira w’amaguru i burayi UEFA ko yahanwe kutazakina imikino ya UEFA Champions league mu gihe cy’imyaka ibiri ndetse n’amande angana na miliyoni 30 bayiziza ko itubahirije amategeko yo gusohora amafaranga y’umurengera ku isoko ry’umupira w’amaguru ku mugabane w’uburayi.

Ubusanzwe iki cyemezo cyagiye hanze ku wa Gatanu tariki 7 Gashyantare 2020 n’akanama kigenga gashinzwe imyitwarire yo gusohora amafaranga ku isoko ry’igura n’igurisha rw’Abakinnyi muri UEFA, ndetse kakaba gashinzwe n’andi marushanwa atandukanye ku mugabane w’uburayi, kasanze rero ikipe ya Manchester city yarishe iri tegeko kuko yasohoye akayabo igura Abakinnyi ibi bivuga ko bitera ubukene andi makipe akishakisha. Amategeko avuga ko ikipe yose yagaragayeho uku kudakurikiza kugura Abakinnyi hitabajwe iritegeko rya Financial fair Play rihita ricibwa agera kuri miliyoni 30 z’amayero angana n’amadorali miliyoni 32 n’igice.

Iki gihano Manchester city igihanwe na UEFA hagendewe ku gihe imaze igura Abakinnyi, harebwe amafaranga yasohoye ku isoko,bituma biyimanura ku rutonde rw’amakipe yaryitwayeho neza.

Kugaragara muri UEFA Champions league byayitwaye agera ku madorali angana na miliyoni 100 ku mwaka, ari nako yaguraga Abakinnyi b’ibikomerezwa ndetse izana n’umutoza uhenze ku isi Pep Guardiola.

Iyi kipe ya Manchester City ihanwe iki gihano yiteguraga umukino wa UEFA Champions league ifitanye n’ikipe ya Real Madrid tariki 26 Gashyantare uyu mwaka mu mikino ibanza ya kimwe cya cumi na gatandatu (1/16).

Iyi kipe isanzwe ari iya Kabiri ku rutonde rwa Shampiyona y’ubwongereza inyuma ya Liverpool muri uyu mwaka w’imikino wa 2019-2020.

Icyi gihano cyije nyuma y’uko na mugenzi wayo wo mu mugi wa Londres ariwe Chelsea nawe yari yarahanwe kubera kugura Abakinnyi bakiri bato hatagendewe kugukurikiza itegeko, gusa yaje kuva mu gihano nubwo yo itagitinzemo, Premier league yavuze ko iri perereza kuri Man City ryatangiye mu kwezi kwa Werurwe Umwaka wa 2019 basanga iyi kipe yarakoze obidakorwa. Umuyobozi wa Premier league, Richard Masters, mu cyumweru gishize yasubizaga bimwe mu bibazo yabazwaga kuri iri perereza, aribazwa n’akanama gashinzwe amategeko muri UEFA. Yaguze ati ” City birashoboka ko itazatungurwa n’uyu mwanzuro kuko ibimenyetso birahari”.

Man City ntiyishimiye uyu mwanzuro yagiriwe kuko yahise isanga bidakwiye nubwo yari yarihanangirijwe na UEFA, aya mategeko yashyizwe mu buryo kuva mu mwaka wa 2011 kubwo kurengera inyungu z’amwe mu marushanwa yo ku mugabane w’uburayi, ariko amwe mu makipe y’ibihangange nka Paris St Germain, A.C. Millan n’andi atandukanye bagiye bagerwaho n’ibi bihano.

Javier Tebas, Perezida w’ishyirahamwe ry’umupira w’amaguru muri Esipanye ( La Liga), ari mu bashyigikiye cyane iri tegeko.

Manchester City n’iyo Umugwizatungo w’umunya Quatar Sheik Mansour bin Zayed al-Nahyan, umuvandimwe w’umunyamategeko wo muri leta zunze ubumwe z’abarabu. Sheikh Mansour yashoye agera miliyoni amagana z’amadorali mu myaka ibiri agura Abakinnyi, abatoza,ibikenerwa n’ikipe ndetse n’abandi bakozi b’ikipe,ahindura Man City , ubwo yari ku mwanya wa kabiri muri Shampiyona y’ubwongereza mu mwaka wa 2002, kuva ubwo ayihundura ikipe ikomeye itwara ibikombe.

Hahise hibazwa ikibazo kigira giti? ” Ese Umutoza Pep Guardiola arabyifatamo ate muri iyi myaka ibiri?” Ibi bije nyuma y’uko uyu munya Esipanye bivuzwe kudahirwa n’uyu mwaka w’imikino wa 2019-2020 nkuko byamugendekeye mu myaka 2 ishize atwara ibikombe yikurikiranya byavuzwe ko ashobora gusohoka muri iyi kipe y’abanyamujyi b’i Manchester akerekeza ahandi harimo n’iwabo mu ikipe yanyuze mo ya Barcelona nubwo hari n’andi makipe yo k’umugabane w’uburayi amwifuza nka Juventus yo mu Butaliyani, aha wahita wibaza uti ” ese noneho urwitwazo ntirwaba rubonetse noneho?” Reka tubitege amaso.

MANCHESTER CITY YAHANWE KUDAKINA UEFA CHAMPIONS LEAGUE IMYAKA 2.

Related posts

Abaperezida 10 bahembwa menshi kuruta abandi muri Africa

Alpha Niyibigira

ABAKINNYI 10 BINJIJE ABAKINNYI 30 N’UBUYOBOZI BWA RAYON SPORTS MURI 2020 AMARIRA.

Alpha Niyibigira

R.I.B yafashe abandi Bantu bakubise niyonzima wari wibye igitoki nyuma aza gupfa

Espoir Ndayishimiye

1 comment

AffiliateLabz February 16, 2020 at 3:03 am

Great content! Super high-quality! Keep it up! 🙂

Reply

Leave a Comment