Agezweho Amakuru Izindi nkuru Politike

Kwibuka 26 : Bimwe mu byaranze Jenoside yakorewe abatutsi Tariki 10 mata 1994

kwibuka ku nshuro ya 26 Jenoside yakorewe Abatutsimu 1994. Iyi Jenoside yabaye mu gihe cy’amezi atatu gusa, ihitana abasaga miliyoni. Umunsi ku wundi, mu gihe k’iyi Jenoside, hari ibikorwa byabaga by’ubuginzi bwa nabi, ari yo mpamvu hari n’ibyabaye by’ubugome ku wa 10 Mata 1994, imyaka 24 irashize.

Ku wa 10 Mata 1994, abasirikare barindaga Perezida Habyarimana, barashe ibisasu bikomeye kuri ibi bitaro byitiriwe umwami Faysali, bica abarwayi 29, abandi bagera kuri 70 barakomereka

Komisiyo y’Igihugu yo Kurwanya Jenoside, CNLG, igaragaraza ibikorwa by’ubugome byakozwe mu gihe cya Jenoside yakorewe Abatutsi ku wa 10 Mata 1994. Kuri uwo munsi, imibiri ivangavanze n’inkomere, bagera ku 10 000 batoraguwe mu mihanda ya Kigali maze bajyanwa mu bitaro binyuranye. Kuri uyu munsi kandi, CNLG ivuga ko Abatutsi bagera ku 10 000 biciwe kuri kiliziya ya Ruhuha no mu nkengero zayo, hari muri komini Ngenda, muri Bugesera.

Ku wa 10 Mata 1994 kandi, interahamwe zo muri Komini Ngororero na Giciye ku Gisenyi, zishe Abatutsi barenga 14 500 bari bahungiye ku Ngoro ya Muvoma (MRND Palace). Harokotse abantu babiri gusa. Na none kandi Abatutsi bari bahungiye ku bitaro bya Kiziguro barishwe kuri uwo munsi.

Komisiyo y’Igihugu yo Kurwanya Jenoside, inavuga ko ku wa 10 Mata 1994, abasirikare barindaga Perezida Habyarimana, barashe ibisasu bikomeye ku bitaro byitiriwe umwami Faysali i Kigali, bica abarwayi 29, abandi bagera kuri 70 barakomereka. Hishwe kandi Abatutsi bari bahungiye ku biro bya Komine Gashora no mui ISAR Karama.

Ikindi ni uko ku wa 10 Mata 1994 Abatutsi barenga 7 564 biciwe kuri Kiliziya gatolika i Gahanga, muri komini Kanombe, abarenga 2 522 bicirwa i Karembure, muri Gahanga.

Ibitero byabishe byabaga biyobowe na assistant Burugumesitiri wa Komini Kanombe n’abapolisi ba Komini, ndetse n’uwari konseye wa Segiteri Gahanga wari waravuye mu gisirikare hamwe n’abasirikare bari barinze ikiraro cya Kanzenze n’abari ku musozi wa Rebero barindaga RADAR.

Jenoside yakorewe Abatutsi mu Rwanda yibukwa uyu munsi, yabaye amahanga arebera, mu gihe Isi yose yari yaravuze ngo “Never Again” ishaka kuvuga ko nta Jenoside izongera kubaho. Nyuma y’iyi Jenoside, n’ubwo benshi muri aba yabaye barebera, bumvaga ko u Rwanda rutazongera kubaho, ariko ruriho, rwariyubatse kandi rurakomeje. Insanganyamatsiko yo kwibuka Jenoside uyu mwaka, igira iti “Kwibuka Twiyubaka

Related posts

Abandi bapolisi b’u Rwanda na Sudani y’Epfo bari mu mahugurwa ku mutekano wo ku bibuga by’indege

Espoir Ndayishimiye

Gen Ndayishimiye niwe ugiye guhagararira CNDD-FDD mu matora y’Umukuru w’Igihugu mu Burundi

Espoir Ndayishimiye

isibo tv igiye kumurikwa kumugaragaro

Espoir Ndayishimiye

Leave a Comment